398.74
Ղազանչեցոց եկեղեցուն հարվածների հետևանքով վիրավորված լրագրողներից մեկի վիճակը ծանր է
1 րոպեի ընթերցում
ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ադրբեջանի Զինված ուժերի կողմից Շուշիի Ղազանչեցոց եկեղեցուն հասցված հարվածների հետևանքով վիրավորված լրագրողները մի քանիսն են, նրանցից մեկի վիճակը ծանր է: «Արմենպրես»-ի հաղորդմամբ` այս մասին «Ֆեյսբուք»-ի իր էջում գրել է «Հանրային կապերի և տեղեկատվության կենտրոն» ՊՈԱԿ-ի տնօրեն Հովհաննես Մովսիսյանը:
«Ստեփանակերտից ստացված նախնական տվյալներով՝ ռուս լրագրողին վիրահատում են»,- գրել է Մովսիսյանը:
Ադրբեջանի ԶՈՒ-ն եկեղեցուն հարվածներ էր հասցրել նաև հոկտեմբերի 8-ի առավոտյան:
Արցախի տեղեկատվական շտաբն էլ հայտնում է, որ ադրբեջանական զինված ուժերի կողմից Շուշիի Ղազանչեցոց եկեղեցու երկրորդ հրթիռակոծության արդյունքում ծանր վիրավորում է ստացել ռուս լրագրող Յուրի Պետրովիչ Կատյոնկը, ում կյանքի համար այժմ պայքարում են արցախցի բժիշկները:
Բաժանորդագրվեք մեր ալիքին Telegram-ում