Ժամանակը Երևանում՝ 11:07:36,   3 Դեկտեմբեր

Երիտասարդների շրջանում կորոնավիրուսի դեպքերի տարածվածության տեմպը չի աճում. նախարար

Երիտասարդների շրջանում կորոնավիրուսի դեպքերի տարածվածության տեմպը չի 
աճում. նախարար

ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Երիտասարդների շրջանում կորոնավիրուսի տարածվածության տեմպը չի աճում։ Այս մասին կառավարության նիստում ասաց առողջապահության նախարար Արսեն Թորոսյանը՝ ավելացնելով, որ ինչքան տարիքը նվազում է, այնքան նվազում է տարածվածության տեմպի աճը։

«Բայց աճ ունենք տարեցների մոտ՝ ինչքան տարիքը բարձրացնում է, այնքան տեմպն աճում է։ Ունենք նաև աշխարհագրական վերլուծություններ։ Ես մի անգամ պարետատան նիստում ասացի՝ օրինակ՝ Վանաձոր քաղաքում տեմպն աճել էր վերջին 2 շաբաթվա ընթացքում։ Երևանում տարբեր վարչական շրջաններում տարբեր տեմպեր են, բայց գնում է կայունացում։ Կարծես թե Երևանը դառնում է մի մեծ օջախ, որովհետև նախկինում մենք հիմնականում ակտիվ օջախներ ունեինք Շենգավիթ և Մալաթիա-Սեբաստիա վարչական շրջաններում, հիմա այդպիսի տարանջատում պրակտիկորեն չկա։ Նույնը կարելի է ասել տարբեր ոլորտների մասին։ Մենք գիտենք, որ մեր հիմնական խնդիրները եղել են մեծ բռնկումները, վերջին շրջանում կարծես թե նման մեծածավալ բռնկումներ չկան, ասենք՝ 500 կամ ավելի մարդու վարակվածության դեպք որևէ հաստատությունում։ Այս առումով կարելի է ասել՝ վարակն  ամենուր է։ Եվ մենք կանոնները պահպանելով՝ ամենուր պետք է պաշտպանվենք»,- «Արմենպրես»-ի փոխանցմամբ, ասաց նախարարը։

Հայաստանում հունիսի 25-ի ժամը 11:00-ի դրությամբ հաստատվել է կորոնավիրուսային հիվանդության ընդհանուր 22488 դեպք, որոնցից 11335-ն` առողջացած:

Կորոնավիրուսային հիվանդությամբ փաստացի բուժում է ստանում 10625  պացիենտ: Ընդհանուր առմամբ, կատարվել է 102 736 թեստավորում:

Այսպիսով, հաստատվել է կորոնավիրուսային հիվանդության 771 նոր դեպք և 538 առողջացած։

Ընդհանուր առմամբ, կորոնավիրուսային հիվանդությունից արձանագրվել է մահվան 397 դեպք: 





https://zen.yandex.ru/id/5dee07a31e8e3f00ae3051c1


youtube

Բոլոր նորությունները    


Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ