Ոստիկանությունը 2019 թ. հայտնաբերել է կոռուպցիոն բնույթի հանցագործության 1 280 դեպք
ԵՐԵՎԱՆ, 5 ՀՈՒՆԻՍԻ, ԱՐՄԵՆՊՐԵՍ: Ոստիկանությունը 2019 թ. ընթացքում Հայաստանի Հանրապետությունում հայտնաբերել է կոռուպցիոն բնույթի հանցագործության 1 280 դեպք: «Արմենպրես»-ի փոխանցմամբ՝ այս մասին հունիսի 5-ին Ազգային ժողովի մշտական հանձնաժողովների համատեղ նիստում «Հայաստանի Հանրապետության 2019 թ. պետական բյուջեի կատարման մասին» տարեկան հաշվետվության նախնական քննարկման ընթացքում ասաց ՀՀ ոստիկանապետ Արման Սարգսյանը:
«2019 թ. Հայաստանում հայտնաբերվել է 1 280 կոռուպցիոն բնույթի հանցագործության դեպք, ինչն ավելին է 2016 և 2017 թթ. ընթացքում հայտնաբերված կոռուպցիոն բնույթի հանցագործությունների թվից»,- ասաց Սարգսյանը:
Ոստիկանապետը նշեց, որ կոռուպցիոն բնույթի հանցագործության դեպքերից 324-ը կապված են կաշառակերության հետ, 225-ը՝ պաշտոնական դիրքն օգտագործելով յուրացման, 135-ը՝ պաշտոնեական կեղծիքի և այլն:
ՀՀ ոստիկանությունը 2019թ. իրեն հատկացված պետական բյուջեի միջոցներից 4,2 միլիարդ դրամի խնայողություն է կատարել:
Հունիսի 5-ին ՀՀ Ազգային ժողովի մշտական հանձնաժողովների նիստերում մեկնարկել են «Հայաստանի Հանրապետության 2019թ. պետական բյուջեի կատարման մասին» տարեկան հաշվետվության նախնական քննարկումները:
Նորայր Շողիկյան
Բաժանորդագրվեք մեր ալիքին Telegram-ում