«Հայաստանի Հանրապետություն» օրաթերթ․ Անկրկնելի՝ հայ թատերական կյանքում
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: «...20-րդ դարասկիզբը հայ թատրոնի ոսկե ժամանակաշրջանն էր: Այս ընթացքում հայտնաբերվել են այնպիսի հայ դերասաններ, որոնց արվեստը հայտնի է դարձել հայրենի սահմանից այն կողմ: Գաղտնիք չի լինի ասել, որ այդ դերասանների կողքին այնպիսի ռեժիսորներ էին, ովքեր բացահայտում էին նրանց բեմական գաղտնի հնարավորությունները, հղկում խաղը: Այդ իսկ պատճառով այս ժամանակաշրջանը նաեւ լավագույն ռեժիսուրայի շրջափուլն էր: Հենց այս նորագույն թատրոնի կողքին է բացահայտվել Վարդան Աճեմյան անունով ռեժիսորը, ում ծննդյան տարեդարձն է այսօր:
Վարդան Աճեմյանն իր հուշերում անկեղծանում է, որ թեեւ անգնահատելի է հայ վարպետների դերն իր կյանքում, սակայն իր ստեղծագործական ձեռագրի ձեւավորման գործում օգնել են ոչ այնքան ստուդիական պարապունքները, որքան Մոսկվայի գեղարվեստական թատրոնը: Ի դեպ, ոչ բոլոր արվեստագետներին է հաջողվել ճանաչել ու շփում ունենալ թատերական այնպիսի գործիչների հետ, ովքեր մի ամբողջ թատերական ուղղություն են մշակել, իսկ այդ ժամանակ Մոսկվայի գեղարվեստական թատրոնն իր նորարարությամբ «թատրոնների թագուհին» էր, ռեժիսորները՝ «թատրոնի վարպետներ»: Վարդան Աճեմյանն այս նորագույն թատրոնի բովանդակությունը, փորձը, խաղի օրենքները զարգացրեց հայ թատրոնում՝ բեմադրելով վառ, չկրկնվող, ինքնատիպ ներկայացումներ: Հենց սրանով է անկրկնելի Աճեմյանի դերը հայ թատրոնում...»:
Նյութն ամբողջությամբ կարդացեք թերթի վաղվա համարում։
Բաժանորդագրվեք մեր ալիքին Telegram-ում