Վարչապետի որոշմամբ ՔԿ քննիչը գործուղվում է Ուկրաինա՝ անհրաժեշտ քննչական գործողությունների նպատակով
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ։ ՀՀ քննչական կոմիտեի հատկապես կարևոր գործերի քննության գլխավոր վարչության մարդկանց թրաֆիքինգի, անչափահասների սեռական անձեռնմխելիության դեմ ուղղված և թմրամիջոցների ապօրինի շրջանառության հանցագործությունների քննության վարչության ՀԿԳ ավագ քննիչ Էդուարդ Թումաղայանը կգործուղվի Ուկրաինա։ «Արմենպրես»-ի փոխանցմամբ, այդ մասին որոշումը ստորագրել է վարչապետ Նիկոլ Փաշինյանը՚։
Որոշման համաձայն՝ քննիչն Ուկրաինա՝ Մելիտոպոլ է գործուղվում Քննչական կոմիտեի հատկապես կարևոր գործերի քննության գլխավոր վարչության վարույթում քննվող քրեական գործի շրջանակներում մի շարք էական հարցերի պարզաբանման և Ուկրաինայի տարածքում անհրաժեշտ քննչական գործողություններ կատարելու նպատակով։
Գործողումը կտևի 2020 թվականի հունիսի 1-ից 9-ը ներառյալ։
Բաժանորդագրվեք մեր ալիքին Telegram-ում