Խորհրդարանն ընդունեց արտադատական կարգով շարժական գույքի ապամոնտաժման հարցը լուծող օրինագիծը
11:20, 3 Հունիս 2020
ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ: ՀՀ ազգային ժողովն առաջին ընթերցմամբ ընդունեց «ՀՀ քաղաքացիական օրենսգրքում» փոփոխություններ և լրացումներ կատարելու մասին» օրենքի նախագիծը:
«Արմենպրես»-ի փոխանցմամբ՝ օրենքի նախագծով նախատեսվող իրավակարգավորումների արդյունքում հնարավոր կլինի արտադատական կարգով լուծել շարժական գույքի ապամոնտաժման հարցը, որը հնարավորություն կտա անշարժ գույքի սեփականատերերին առանց ժամանակի մեծ կորստի եւ ծախսերի ազատել իրենց սեփականության իրավունքով պատկանող տարածքը ոչ հիմնական շինություններից:
Կառավարության հեղինակած նախագիծն ընդունվեց միաձայն՝ 113 «կողմ» ձայնով:
Նորայր Շողիկյան
Բաժանորդագրվեք մեր ալիքին Telegram-ում