ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: Ոստիկանությունը հորդորում է մայիսի 28-ից 31-ի ոչ աշխատանքային օրերին զերծ մնալ մասսայական միջոցառումներից։ «Արմենպրես»-ի հաղորդմամբ՝ այս մասին նշված է ՀՀ ոստիկանության հասարակայնության հետ կապերի և լրատվության վարչության տարածած հայտարարության մեջ

«Ինչպես հայտնի է՝ Հանրապետության տոնի առթիվ մայիսի 28-ից 31-ը հայտարարված են ոչ աշխատանքային օրեր։

Ոստիկանությունը հորդորում է ոչ աշխատանքային օրերին զերծ մնալ մասսայական միջոցառումներից (խնջույքներ, հավաքույթներ, ուխտագնացություններ և այլն)։

Հարգելի՛ քաղաքացիներ, հանգիստը կազմակերպեք՝ չխախտելով ՀՀ Պարետի որոշումները։ Կարգը խախտելը կառաջացնի իրավական հետևանքներ»,- ասվում է հայտարարության մեջ։