ՀՀ ԶՈՒ երեք զորամիավորումներում անցկացվել են պատրաստականության բարձրացման միջոցառումներ
ԵՐԵՎԱՆ, 1 ԱՊՐԻԼԻ, ԱՐՄԵՆՊՐԵՍ: Հաստիքային հրաձգային զենքի տիրապետման հմտությունները կատարելագործելու նպատակով մարտի 27-ին 2-րդ զորամիավորման հրաձգարաններից մեկում անցկացվել է կրակային պատրաստության գործնական պարապմունք:
Ինչպես «Արմենպրես»-ին տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, անձնակազմը հաջողությամբ կատարել է կրակային վարժությունները, խոցել կրակադաշտի բոլոր թիրախները և գրանցել բարձր արդյունքներ:
4-րդ զորամիավորման ենթակայությամբ գործող զորամասերից մեկի հակատանկային ստորաբաժանումներում մարտի 31-ին անցկացվել են մասնագիտական պատրաստության պարապմունքներ։
Ստուգվել են զինծառայողների՝ հաստիքային սպառազինության տիրապետման հմտությունները, հրահանգավորումներ են արվել անվտանգության կանոնների պահպանման վերաբերյալ:
Մարտական տեխնիկայի վարման և կիրառման մասնագիտական կարողությունները զարգացնելու նպատակով մարտի 31-ին 5-րդ զորամիավորման տանկային ստորաբաժանումների անձնակազմերի հետ անցկացվել են ստուգողական վարժանքներ:
Տանկային ստորաբաժանումները, հաղթահարելով տեղանքի բարդ պայմաններ, սահմանված ժամկետներում զբաղեցրել են նախորոշված շրջանները:
Բաժանորդագրվեք մեր ալիքին Telegram-ում