Ժամանակը Երևանում՝ 11:07:36,   29 Մարտ

Իրանում յոթ մարդ է զոհվել գարնանային ջրհեղեղների պատճառով

Իրանում յոթ մարդ է զոհվել գարնանային ջրհեղեղների պատճառով

ԵՐԵՎԱՆ, 23 ՄԱՐՏԻ, ԱՐՄԵՆՊՐԵՍ։ Իրանի Իսլամական Հանրապետությունում գարնանային ջրհեղեղների պատճառով զոհվել է յոթ մարդ։

Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ին, այս մասին հայտնել է Իրանի շտապօգնության ծառայության պաշտոնական ներկայացուցիչ Մոջթեբա Խալեդին։

Սովորաբար, մարտ-ապրիլ ամիսներին Իրանում աճում է տեղումների ծավալը, ինչի պատճառով ջրհեղեղներ են լինում երկրի տարբեր շրջաններում: Այս գարունը բացառություն չի դարձել, և երեկ հորդառատ անձրևները ջրհեղեղներ են առաջացրել երկրի 10 նահանգում:

«Ուժեղ անձրևը սելավներ է առաջացրել Հորմոզգան, Բուշեր, Սիստան և Բելուջիստան, Ֆարս, Ղոմ, Ղիլյան, Հարավային Խորասան, Մազենդերան, Սեմնան և Քերման նահանգներում, ինչի հետևանքով տուժել է 17 մարդ, 2-ն անհետ կորել են, 7 մարդ մահացել է»,- հայտարարել է Խալեդին:

Անցյալ տարվա մարտ-ապրիլ ամիսներին Իրանում ջրհեղեղները խլել էին 70 մարդու կյանք և մեծ ավերածությունների պատճառ դարձել։





https://zen.yandex.ru/id/5dee07a31e8e3f00ae3051c1

https://www.gov.am/files/docs/3969.pdf
youtube

Բոլոր նորությունները    


New Xar

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
settings Էջի կարգավորումներ