Դինամիկ քննարկումներն ամրացնում են հարաբերությունները. ԵԽ նախագահը՝ Փաշինյանի հետ հանդիպման մասին
ԵՐԵՎԱՆ, 9 ՄԱՐՏԻ, ԱՐՄԵՆՊՐԵՍ: Եվրոպական խորհրդի նախագահ Շառլ Միշելը կարծում է, որ ՀՀ վարչապետ Նիկոլ Փաշինյանի հետ դինամիկ քննարկումները երկկողմ հարաբերությունները դարձնում են չափազանց ամուր: «Արմենպրես»-ի փոխանցմամբ՝ Շառլ Միշելը վարչապետ Փաշինյանի հետ հանդիպման մասին իր տպավորություններով է կիսվել «Թվիթեր»-ի իր էջում:
«Այսօր հանդիպեցի Նիկոլ Փաշինյանի հետ՝ մանրամասն քննարկելու համար Եվրամիություն-Հայաստան հարաբերությունները, «Արեւելյան գործընկերությունը»: Նման դինամիկ քննարկումները մեր երկկողմ և մարդկանց միջև հարաբերությունները դարձնում են չափազանց ամուր»,-գրել է Եվրոպական խորհրդի նախագահը:
Նա նաև նշել է, որ անհամբերությամբ սպասում է հաջորդ հանդիպմանը՝ Արևելյան գործընկերության գագաթնաժողովին Բրյուսելում:
Վարչապետ Նիկոլ Փաշինյանն աշխատանքային այցով Բրյուսելում է: ՀՀ կառավարության հանդիպում է ունեցել Եվրոպական խորհրդի նախագահ Շառլ Միշելի հետ: Տեսալուսանկարահանման արարողությունից հետո Հայաստանի վարչապետը և Եվրոպական խորհրդի նախագահը քննարկել են Հայաստան-ԵՄ հարաբերություններին վերաբերող հարցերի լայն շրջանակ:
Բաժանորդագրվեք մեր ալիքին Telegram-ում