Իրանական միջուկային գործարքի համատեղ հանձնաժողովի նիստը կկայանա փետրվարի 26-ին Վիեննայում
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Իրանական միջուկային ծրագրի վերաբերյալ Գործողությունների համատեղ համապարփակ ծրագրի (ԳՀՀԾ) գծով համատեղ հանձնաժողովի նիստը կանցկացվի փետրվարի 26-ին Վիեննայում: Այդ մասին ասված Է ԵՄ-ի արտաքին քաղաքական ծառայության՝ փետրվարի 24-ին Բրյուսելում տարածված հայտարարության մեջ, տեղեկացնում Է «Արմենպրես»-ը:
«Փետրվարի 24-ին Վիեննայում կկայանա ԳՀՀԾ-ի համատեղ հանձնաժողովի նիստը»,-նշվում Է նրանում: Ինչպես պարզաբանվում Է փաստաթղթում, հանդիպումը տեղի կունենա ԵՄ-ի արտաքին քաղաքական ծառայության գլխավոր քարտուղար Հելգի Շմիդի նախագահությամբ: «Նիստին կմասնակցեն Չինաստանի, Ֆրանսիայի, Գերմանիայի, Ռուսաստանի, Միացյալ Թագավորության եւ Իրանի ներկայացուցիչները»,-ասված Է հայտարարության մեջ, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում