Քիրկ Դուգլասն իր զավակներին թողել Է առանց ժառանգության
ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ: Կյանքի 104-րդ տարում վախճանված ամերիկացի դերասան Քիրկ Դուգլասն իր ողջ կարողությունը կտակել Է բարեգործական ձեռնարկներին: Այդ մասին հայտնել Է Mirror-ը, տեղեկացնում Է «Արմենպրես»-ը:
Հոլիվուդի «ոսկե դարի» դերասանը գրեթե 80 մլն դոլար Է տվել իր բարեգործական հիմնադրամին, որի շահառուներն են՝ Քիրկ եւ Աննա Դուգլասների մանկական կենտրոնը, Քալվեր-Սիթիի Քիրկ Դուգլասի անվան թատրոնը եւ Լոս Անջելեսի մանկական հիվանդանոցը: Նաեւ դերասանի կարողության մի մասն ուղղվելու Է Սուրբ Լավրենտիոսի համալսարանին, որը գտնվում Է Նյու Յորքում: Փողերն ստանալու են չքավոր ընտանիքների ուսանողները:
Այսպիսով՝ նրա զավակները՝ դերասան Մայքլ Դուգլասը, կինոպրոդյուսեր Ջոել Դուգլասը եւ հեռուստատեսային պրոդյուսեր Փիթեր Դուգլասը, կմնան առանց ժառանգության: Հայտնի Է, որ Մայքլ Դուգլասի կարողությունը գնահատվում Է 300 մլն դոլար:
Բաժանորդագրվեք մեր ալիքին Telegram-ում