ԵՐԵՎԱՆ, 24 ՓԵՏՐՎԱՐԻ, ԱՐՄԵՆՊՐԵՍ:  Ճգնաժամային կառավարման ազգային կենտրոն փետրվարի 24-ին, ժամը 00:56-ին տեղեկություն է հաղորդվել, որ Էջմիածին-Երևան ավտոճանապարհի 7-րդ կմ-ին տեղի է ունեցել ավտովթար՝ բախվել են երկու ավտոմեքենա:

Ինչպես «Արմենպրես»-ին տեղեկացրին ԱԻՆ լրատվական ծառայությունից, դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ բախվել են «LADA 21010» մակնիշի (վարորդ՝ Սաշա Վ., ծնված 1955 թ.) և «Mercedes E320» (վարորդ՝ Սարգիս Մ., ծնված 1985 թ.) մակնիշների  ավտոմեքենաները:

Մինչ փրկարարների՝ դեպքի վայր հասնելը «LADA 21010» մակնիշի ավտոմեքենայի վարորդը և ուղևոր Լևոն Մ.-ն (ծնված 1999 թ.) հոսպիտալացվել են «Աստղիկ» ԲԿ, որտեղ Սաշա Վ.-ն, ստանալով համապատասխան բուժօգնություն, դուրս է գրվել, իսկ Լևոն Մ.-ի առողջական վիճակը բժիշկները գնահատել են ծանր: