Մանուէլ Պետրոսյանը կես միավոր է զիջում Aeroflot Open -ի առաջատարներին
ԵՐԵՎԱՆ, 23 ՓԵՏՐՎԱՐԻ, ԱՐՄԵՆՊՐԵՍ: Մոսկվայում շարունակվում է Aeroflot open 2020 մրցաշարը:
«Արմենպրես»-ի հաղորդմամբ` մրցաշարի A ենթախմբի 4-րդ տուրում հաղթանակներ նշեցին Հայաստանը ներկայացնող Գաբրիել Սարգսյանը և Մանուէլ Պետրոսյանը: Միավորը կիսեցին Հայկ Մարտիրոսյանը և Շանթ Սարգսյանը: Այժմ Մանուէլ Պետրոսյանն ունի 3 միավոր և կես միավորով է ետ մնում առաջատարներից:
Մրցաշարի B ենթախմբում հայ շախմատիստներից մրցակիցներին գերազանցեցին Աննա Սարգսյանը, Տիգրան Հարությունյանը և Էլինա Դանիելյանը: Իրենց պարտիաները ոչ-ոքի ավարտեցին Լիլիթ Մկրտչյանը, Հովիկ Հայրապետյանը:
Aeroflot Open 2020-ը կեզրափակվի փետրվարի 27-ին: Մոսկվայում ընթացող մրցաշարի հիմնական խմբում ընդգրկվել է 74 շախմատիստ: Այն անցկացվում է շվեյցարական մրցակարգով` 9 տուրով: Մրցաշարի մրցանակային ֆոնդը կազմում է 140 հազար եվրո:
Բաժանորդագրվեք մեր ալիքին Telegram-ում