Բժիշկն ութ ժամ արյունաքամ եղող ծննդկանին հիվանդանոց Է տարել եւ փրկել նրա կյանքը
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Հնդկաստանի Օդիշայի (Օրիսա) նահանգում երիտասարդ բժիշկը եւ նրա ասիստենտներն ութ ժամ պատգարակով տարել են հիվանդ կնոջը եւ փրկել նրա կյանքը: Այդ մասին, ինչպես տեղեկացնում Է «Արմենպրես»-ը, հաղորդել Է Newsflare-ը: Ռադխեշյամ Ջենան Օդիշայի հարավ - արեւելքի հեռավոր լեռնային գյուղ Էր գնացել երեխաներին պոլիոմիելիտի դեմ պատվաստելու համար:
Նա անսպասելիորեն ծանր ծննդաբերության Է հանդիպել, որ սկսվել Էր տեղացի բնակչուհիներից մեկի մոտ: Կինը հղի Էր երկվորյակներով, բայց լույս աշխարհ Է եկել միայն մի երեխան: Արնահոսության պատճառով նրա վիճակը վատացել Է, եւ Ջենան հասկացել Է, որ ծննդկանին կարող են օգնել միայն հիվանդանոցում: Մինչեւ մերձակա հիվանդանոցը եղել Է շուրջ 30 կիլոմետր լեռնային տեղանքով, որտեղ ճանապարհներ չկան, որոնք հարմար լինեն շտապ օգնության ավտոմեքենաների համար: Կնոջն ստիպված տարել են պատգարակով: Ջենային օգնել են վեց ասիստենտները եւ ծննդկանի երկու հարազատները: Բժիշկները չեն կարողացել օգնել երկրորդ երեխային, որը մահացած Է ծնվել, բայց հասցրել են փրկել կնոջը: Այժմ նրա առողջությանը վտանգ չի սպառնում:
Բաժանորդագրվեք մեր ալիքին Telegram-ում