Հրշեջ-փրկարարները մարել են Գորիսում տներից մեկի տանիքում բռնկված հրդեհը
09:27, 20 Հունվար 2020
ԵՐԵՎԱՆ, 20 ՀՈՒՆՎԱՐԻ, ԱՐՄԵՆՊՐԵՍ: 911 ահազանգման կենտրոն հունվարի 19-ին, ժամը 22:06-ին ահազանգ է ստացվել, որ Սյունիքի մարզի Գորիս քաղաքի Խորենացու փողոցի տներից մեկի մոտակայքում այրվում է տան տանիք: «Արմենպրես»-ին այս մասին հայտնեցին ՀՀ ԱԻՆ տեղեկատվության և հասարակայնության հետ կապերի վարչությունից:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 22:35-ին, մարվել՝ 22:57-ին:
Տան (մոտ 200 քմ) տանիքի փայտյա կառուցատարրերից մոտ 4 քմ հատվածը ջերմահարվել է: Տուժածներ չկան:
Բաժանորդագրվեք մեր ալիքին Telegram-ում