Լատինական Ամերիկայի խորհրդարանի կողմից Հայոց ցեղասպանության ճանաչումը ուղերձ է քաղաքակիրթ աշխարհին. ՀՀ ԱԳՆ
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Հայաստանը ողջունում է Լատինական Ամերիկայի և Կարիբյան ավազանի երկրների 23 օրենսդիր մարմիններ միավորող Լատինամերիկյան խորհրդարանի կողմից Հայոց ցեղասպանությունը ճանաչող բանաձևի ընդունումը։ Այս մասին նշվում է
ՀՀ արտաքին գործերի նախարար Էդվարդ Նալբանդյանի՝ Լատինամերիկյան խորհրդարանի կողմից Հայոց ցեղասպանության ճանաչման վերաբերյալ հայտարարության մեջ: «Ճանաչման գործընթացն անշրջելիորեն ընթանում է ինչպես պետական, հասարակական, այնպես էլ բազմակողմ մակարդակներով։ Հայոց ցեղասպանության 100-րդ տարելիցին Լատինամերիկյան խորհրդարանի կողմից ընդունված այս բանաձևը համերաշխության և աջակցության ուղերձ է քաղաքակիրթ աշխարհին ժխտողականության դեմ պայքարում։
Վստահորեն կարելի է ասել, որ միջազգային նման հեղինակավոր կառույցի կողմից Հայոց ցեղասպանության ճանաչման սկզբունքային դիրքորոշման արտահայտումը ծանրակշիռ ներդրում է ցեղասպանությունների ու մարդկության դեմ հանցագործությունների կանխարգելման գործում»,-նշված է նախարար Նալբանդյանի հայտարարության մեջ։
Լատինական Ամերիկայի խորհրդարանը (Parlatino) հուլիսի 31-ին հատուկ որոշմամբ ճանաչել է Հայոց ցեղասպանությունը: Լատինական Ամերիկայի խորհրդարանը տարածշրջանային մշտական կազմակերպություն է, որի կազմում ընդգրկված են Լատինական Ամերիկայի եւ Կարբիբյան ծովի ավազանի երկրների ներկայացուցիչներ: Իր գործունեությամբ այն նման է Եվրոպական խորհրդարանին: Խորհրդարանը ձեւավորվել է 1964թ., նստավայրը Պանաման է, ունի 23 անդամ:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան