Լատինական Ամերիկայի խորհրդարանը ճանաչել է Հայոց ցեղասպանությունը
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Լատինական Ամերիկայի խորհրդարանը (Parlatino) հուլիսի 31-ին հատուկ որոշմամբ ճանաչել է Հայոց ցեղասպանությունը: Ինչպես հաղորդում է «Արմենպրես»-ը` վկայակոչելով PrensaArmenia-ն, այս նոր հայտարարությունը Թուրքիայում 100 տարի առաջ կատարվածը մարդկության դեմ հանցագործություն է որակում:
Ուրուգվայի պատգամավոր Ալֆրեդո Աստուն հայտարարել է, որ խորհրդարանն ընդունել է այդ հայտարարությունը գրեթե միաձայն. դեմ է արտահայտվել ընդամենը մեկ պատգամավոր: Իր ելույթում Աստուն հիշեցրել է նաեւ, որ Ուրուգվայն այդ հարցում վաղուց է կողմնորոշվել եւ դեռեւս 50 տարի առաջ աշխարհում առաջին պետությունն էր, որ ճանաչել է Հայոց ցեղասպանությունն ու դեմ արտահայտվել աշխարհում մարդկության դեմ հանցագործություններին: Նախորդ շաբաթ Հայոց ցեղասպանությունը ճանաչել էր Բրազիլիայի Ռիո Դե Ժանեյրո նահանգը:
Լատինական Ամերիկայի խորհրդարանը տարածշրջանային մշտական կազմակերպություն է, որի կազմում ընդգրկված են Լատինական Ամերիկայի եւ Կարբիբյան ծովի հատվածի երկրների ներկայացուցիչներ: Իր գործունեությամբ այն նման է Եվրոպական խորհրդարանին: Խորհրդարանը ձեւավորվել է 1964թ., նստավայրը Պանաման է, ունի 23 անդամ:
- Հայոց ցեղասպանության թանգարանի գրադարանը համալրվել է հայտնի
ցեղասպանագետ Իսրայել Չարնիի անձնական գրքերով
- Հունաստանի խորհրդարանի պատգամավորներն այցելել են Հայոց ցեղասպանության
հուշահամալիր
- Երևանի ավագանին կքննարկի hայ վրիժառուներին նվիրված հուշակոթող տեղադրելու
նախագիծը
- «Տոտենհեմ»-ը տանը հաղթել է «Վուլվերհեմթոն»-ին
- Ֆրանկոֆոնիայի ԽՎ-ի պատվիրակության անդամներն այցելել են Ծիծեռնակաբերդի
հուշահամալիր