Աշակերտների աշխատանքները ներկայացվել են «Հայացք հարյուր տարի անց. չորրորդ սերունդ» ցուցահանդեսին
ԵՐԵՎԱՆ, 26 ՄԱՅԻՍԻ, ԱՐՄԵՆՊՐԵՍ: Հովհաննես Թումանյանի տուն-թանգարանի ցուցասրահում բացվել է Մալաթիա-Սեբաստիա վարչական շրջանի դպրոցահասակ գեղանկարիչների աշխատանքների ցուցահանդեսը, որը եզրափակում է վարչական շրջանի աշխատակազմի հայտարարած մրցույթը՝ վարչական շրջանի գեղարվեստի ու հիմնական դպրոցների, մշակութային կրթօջախների սաների մասնակցությամբ։ Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, ցուցահանդեսում ներկայացվել են մրցույթի երկու փուլերի արդյունքում ընտրված 175 աշխատանքները։
Ցուհանդեսի բացմանը ներկա են եղել Երևանի քաղաքապետարանի աշխատակազմի հանրակրթության վարչության պետ Գայանե Սողոմոնյանը, մշակույթի և տուրիզմի վարչության պետ Կամո Մովսեսյանը, Մալաթիա-Սեբաստիա վարչական շրջանի ղեկավար Արտակ Ալեքսանյանը։
Ցուցահանդեսի հինգերորդ օրը՝ հունիսի մեկին, Հայաստանի նկարիչների միության անդամներից բաղկացած հանձնաժողովն ընտրելու է երեք լավագույն աշխատանքները, որոնց հեղինակներին պարգևատրելու է Մալաթիա-Սեբաստիա վարչական շրջանի ղեկավարը։
Ցուցահանդեսը «Հայացք՝ հարյուր տարի անց. չորրորդ սերունդ» խորագրով է և նվիրված է Հայոց ցեղասպանության 100-րդ տարելիցին։ Աշխատանքները թեմատիկ առանձնահատկություն չունեն և կազմակերպիչների խոսքով՝ խորհրդանշում են Ցեղասպանությունից հետո հայերի վերածնունդը։
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան