Հայոց ցեղասպանության մերժումը վիրավորանք է և սպառնալիք. Նիկոլա Սարկոզի
ՓԱՐԻԶ, 24 ԱՊՐԻԼԻ, ԱՐՄԵՆՊՐԵՍ: Ֆրանսիայի նախկին նախագահ Նիկոլա Սարկոզին հայտարարել է, որ Թուրքիան Հայոց ցեղասպանությունից 100 տարի անց պետք է առերեսվի սեփական պատմությանը: Le Figaro-ի փոխանցմամբ` այդ մասին Սարկոզին նշել է Politique internationale ամսագրին տված հարցազրույցում:
Հարցին` Թուրքիան երբևէ կճանաչի՞ Հայոց ցեղասպանությունը, Սարկոզին պատասխանել է, որ հավատում է դրան, սակայն չի կարող ասել` որքան ժամանակ դրա համար կպահանջվի: «Կարծում եմ` ի վերջո հստակությունը կհաղթանակի: Ինձ համար մերժողականությունը կարծիք չէ: Դա վիրավորանք է և սպառնալիք: Ցեղասպանության ժխտումը խափանում է հասարակական կարգը և մեր հանրապետության հիմնարար արժեքները: Ահա թե ինչու, երբ ես նախագահ էի, ընդունեցի Հայոց ցեղասպանության ժխտումը քրեականացնել նախատեսող փաստաթուղթը»,- «Արմենպրես»-ի հաղորդմամբ` ասել է Ֆրանսիայի նախկին նախագահը:
Սարկոզիի հիշատակած Հայոց ցեղասպանությսն ժխտումը քրեականացնող օրինագիծը Ֆրանսիայում ճանաչվեց հակասահմանադրական: Միաժամանակ, Ֆրանսիայի գործող նախագահ Ֆրանսուա Օլանդը բազմիցս հայտարարել է, որ մշակվում է սահմանադրությանը համապատասխանող նոր օրինագիծ` այն ընդունելու համար:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան