Լիբանանի խորհրդարանի պատգամավորը արդարություն է պահանջում ողջ հայության համար
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Լիբանանի խորհրդարանի պատգամավոր Սամի Ջեմայելը խորհրդարանում խոսել է Հայոց ցեղասպանության մասին:
«Արմենպրես»-ի փոխանցմամբ, համացանցում տարածվել է նրա խոսքի տեսանյութը, որտեղ պատգամավորն արաբերեն խոսքի ընթացքում հայերենով նշել է. «Այսօր հիշում ենք Հայոց ցեղասպանության մեկուկես միլիոն նահատակներին և պահանջում ենք արդարություն»:
«Ես այս բառերով ուզում եմ հաստատել, որ մենք ճանաչում ենք Հայոց ցեղասպանությունը և արդարություն ենք պահանջում աշխարհի ողջ հայության համար»,- եզրափակել է պատգամավոր Սամի Ջեմայելը:
Արաբերեն իր խոսքի մեջ պատգամավորը նշել է, որ ապրիլի 24-ն ամբողջ Լիբանանի և հատկապես լիբանանահայության համար կարևոր նշանակություն ունի: Նա նաև ավելացրել է, որ ապրիլի 24-ին լիբանանցիները պետք է ոգեկոչեն 1915թ. հայերի և ասորիների ջարդերի 100-րդ տարելիցը:
Հայոց ցեղասպանության առիթով Լիբանանի խորհրդարանից Սամի Ջեմայելը հաստատել է, որ երկիրը ներկայացնող բոլոր քաղաքացիները պետք է զորակցեն և կիսեն տառապող ժողովրդի ցավը:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան