Իսրայելի Նախագահը պատմական կապ է արձանագրել Հայոց ցեղասպանության և Հոլոքոստի միջև
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Իսրայելի Նախագահ Ռուվեն Ռիվլինը Հայոց ցեղասպանության և հրեական Հոլոքոստի միջև պատմական կապ է արձանագրել: Երուսաղեմում լրագրողների հետ փակ հանդիպման ժամանակ Նախագահ Ռիվլինն ընդգծել է, որ նացիստները օգտագործել են Հայոց ցեղասպանությունը որպես մի բան, որը թույլ է տվել նրանց իրականացնել Հոլոքոստը:
«Արմենպրես»-ի փոխանցմամբ` The Tower պարբերականը հայտնում է, որ Իսրայելի Նախագահը հավանություն է տվել Հայոց ցեղասպանության վերաբերյալ Հռոմի Ֆրանցիսկոս պապի հայտարարությունը, որտեղ նա հայերի կոտորածներն անվանել էր 20-րդ դարի առաջին ցեղասպանություն: «Ողջունում եմ Հռոմի պապին այդ մեկնաբանությունների համար: Դա կարևոր է քրիստոնյաների, հրեաների, մուսուլմանների և ընդհանրապես մարդկանց համար», - ասել է Ռիվլինը:
Պարբերականն արձանագրել է, որ Հայոց ցեղասպանության հարցում Նախագահ Ռիվլինի դիրքորոշումը վերջին տարիներին փոփոխական է եղել: «Ռիվլինի այս հայտարարությունները հազիվ թե նպաստեն Իսրայել-Թուրքիա լարված հարաբերությունների թուլացմանը, քանի որ վերջինս դատապարտում է ցանկացած ջանք, որ ուղղված է հայերի կոտորածը «ցեղասպանություն» որակելուն»,- գրում է հոդվածագիրը:
Հոդվածում նաև նշվում է, որ Իսրայելի Նախագահի խոսքը նույնը չէ, ինչ պետական ճանաչումը, սակայն Իսրայելի Նախագահի հայտարարություններն արտահայտում են մոտեցումներ, որ կիսում է իսրայելցիների մեծ մասը:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան