Ամերիկացի կատակերգուն դահլիճին ստիպել է բղավել. «Գրողի ծոցը Թուրքիան»
ԵՐԵՎԱՆ, 22 ԱՊՐԻԼԻ, ԱՐՄԵՆՊՐԵՍ: Stand-up ոճի ամերիկացի հայտնի կատակերգու Քաթ Ուիլիամսը իր շոուներից մեկի ժամանակ անդրադարձել է Հայոց ցեղասպանության ճանաչման հարցին, ինչպես նաև Քարդաշյանների այցին Հայաստան: «Ես հիմա ավելին կանեմ Հայաստանի համար, քան Քարդաշյանների ողջ ընտանիքը երբևէ արել է: Դե նայեք»,- «Արմենպրես»-ի փոխանցմամբ` ասել է կատակերգուն, ապա խնդրել հանդիսատեսին հաշվել մինչև երեքը, հետո բարձր արտասանել. «Գրողի ծոցը Թուրքիան»: Ոգևորված հանդիսատեսը միաձայն հետևել է նրան:
«Ասեք Հայաստանին, որ մենք արել ենք սա»,- նշել է Ուիլիամսը և իր ոճով խրախուսել Թուրքիային տեր կանգնել և պատասխանտվություն ստանձնել իր արարքների համար:
Քաթ Ուիլիամսը ամերիկացի հայտնի կատակերգու է, ռեփեր և դերասան: Ծնվել է 1971 թվականին ԱՄՆ Սինսինաթի քաղաքում: Այժմ նա բնակվում է Լոս Անջելեսում, միաժամանակ աշխատում է մի քանի նախագծերի վրա: Կատակերգուի կարիերայի ընթացքում նա շրջագայել է ամբողջ երկրով և երկրպագուների մեծ խումբ ձևավորել:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան