Մոնտեվիդեոյում կայացել է Հայոց ցեղասպանության տարելիցին նվիրված «Արյուն` հանուն կյանքի» նախաձեռնությունը
ՄՈՆՏԵՎԻԴԵՈ, 18 ԱՊՐԻԼԻ, ԱՐՄԵՆՊՐԵՍ: Հայոց ցեղասպանության 100-րդ տարելիցի Ուրուգվայի հանձնախմբի նախաձեռնությամբ Մոնտեվիդեոյում կայացել է «Արյուն` հանուն կյանքի» նախաձեռնությունը, որի շրջանակում բազմաթիվ ուրուգվահայեր արյուն են հանձնել:
«Թուրքը մեր արյունը հեղեց եւ մահ սփռեց, փորձեց ոչնչացնել հայի տեսակը, իսկ Ուրուգվայը ոչ միայն փրկեց հայերի կյանքը, այլեւ ազատություն տվեց, որպեսզի իբրեւ հայ հավաքականություն, շարունակենք ապրել եւ պահպանել մեր ազգային արժեքները, մեր մշակույթն ու ավանդույթները: Այսօր իբրեւ երախտագիտության արտահայտություն, Ուրուգվայի ժողովրդին նվիրեցինք արյուն` կյանք փրկելու գիտակցությամբ»,- «Արմենպրես»-ին նախաձեռնության գաղափարախոսությունը փոխանցեց Կարո Հեքիմյանը:
Նմանատիպ նախաձեռնություն Հայոց ցեղասպանության 100-րդ տարելիցին ընդառաջ տեղի կունենա հայկական սփյուռքի բազմաթիվ գաղթօջախներում:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան