Կալիֆորնիայում Հայոց ցեղասպանությանը նվիրված ցուցադրություն է բացվել
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Հայկական օրենսդրական խորհրդի աջակցությամբ Կալիֆորնիայի թանգարանում անցկացվում է ցուցադրություն՝ նվիրված Հայոց ցեղասպանությանը: Ինչպես «Արմենպրես»-ին տեղեկացրեցին խորհրդից, «Հայկական ուղևորություն. փշրված անցյալից մինչև բարգավաճում» խորագիրը կրող ցուցադրությունը, որը մեկնարկել է մարտի 31-ին, կտևի մինչև օգոստոսի 2-ը:
Ցուցադրությունը կկենտրոնանա Հայոց ցեղասպանության, հայկական ներգաղթի, ինչպես նաև Կալիֆորնիայի պատմության ընթացքում նշանակավոր ամերիկահայ գործիչների գործունեության վրա:
Հայկական օրենսդրական խորհուրդը ապրիլի 20-ին ցուցահանդեսի վերաբերյալ մամուլի ասուլիս կհրավիրի, որին կմասնակցեն Կալիֆորնիայի նահանգի օրենսդիր մարմնի անդամներ Ադրին Նազարյանը, Խաչո Աչաջյանը, Սքոթ Ուիլքը, Յան Կալդերոնը, ինչպես Հայոց ցեղասպանության ականատես Եվնիգե Սալիբյանն ու Հայ դատի ԱՄՆ հանձնախմբի Արևմտյան շրջանի ներկայացուցիչ Թերեզա Երիմյանը:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան