Վաշինգտոնում Հայոց ցեղասպանությունը պատկերող լուսանկարների ցուցահանդես կբացվի
ԵՐԵՎԱՆ, 8 ԱՊՐԻԼԻ, ԱՐՄԵՆՊՐԵՍ: Ամերիկայի Հայկական համագումարը, համագործակցելով Հայ ազգային ինստիտոիտի (ANI) և Ամերիկայում Հայոց ցեղասպանության թանգարանի (AGMA) հետ, «Հայոց ցեղասպանության իկոնիկ նկարները» խորագրով ցուցադրություն է կազմակերպելու Վաշինգտոնի Մամուլի ազգային ակումբում: Ինչպես «Արմենպրես»-ին տեղեկացրին Հայկական համագումարից, ցուցադրութունը բաց կլինի ապրիլի 22-ին և 24-ին:
Ցուցադրության լուսանկարները պատկերում են Օսմանյան կայսրությունում հայ բնակչության դեմ իրականացված դաժանությունները: «Ցուցադրությունը ներկայացնում է Հայոց ցեղասպանության իրականացման ողջ ընթացքն ու դաժանությունները` բռնագաղթը, մահապատիժները, կոտորածները, սովամահությունը, բնաջնջումն ու ավերածությունները»,- նշել է Հայ ազգային ինստիտուտի տնօրեն Ռուբեն Ադալյանը:
Լուսանկարները վերցված են տարբեր արխիվներից, աղբյուրներից, անհատներից, այդ թվում նաև` ԱՄՆ Ազգային արխիվից, Կոնգրեսի գրադարանից, Մերձավոր Արևելքի հիմնադրամից, ՀՀ Ազգային արխիվից և այլն:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան