Ամերիկյան լրատվամիջոցները բարձրաձայնում են Հայոց ցեղասպանության պատմության դասավանդման կարևորության մասին
ԵՐԵՎԱՆ, 26 ՄԱՐՏԻ, ԱՐՄԵՆՊՐԵՍ: ԱՄՆ Կալիֆորնիա նահանգի դպրոցներում Հայոց ցեղասպանության պատմության դասավանդման հարցը շարունակում է գտնվել ամերիկյան լրատվամիջոցների ուշադրության կենտրոնում:
«Արմենպրես»-ի փոխանցմամբˋ այս անգամ խնդրին է անդրադարձել ամերիկյան yourcentralvalley.com կայքը: Այն տեղեկացնում է, որ Կալիֆորնիա նահանգում կայացած ուսուցիչների ազգային համաժողովի ժամանակ պատմության 30 ուսուցիչներից երկուսն են իմացել հայերի ցեղասպանության մասին:
«Դժբախտաբար, 20-րդ դարի առաջին ցեղասպանությունը ամենաքիչն է հայտնի նախորդ դարի ցեղասպանություններից: Փաստ, որ հասկանալի պատճառներով վրդովում է տեղի հայությանը, ովքեր ցեղասպանության վերապրածների ժառանգներն են, ովքեր իրենց հարազատներին և ընտանիքներին կորցրել են Օսմանյան Թուրքիայի կազմակերպած կոտորածների ժամանակ»,- գրում է կայքը:
Միաժամանակ նշվում է, որ վերջին տարիներին Կալիֆորնիայի դպրոցների 10-րդ դասարանի ծրագրում ընդգրկվել է Հայոց ցեղասպանության ուսուցանումը: Իսկ վերջերս ընդունված օրինագիծը սահմանում է, որ պատմության նոր դասագրքեր տպագրվեն, որոնց մեջ նշված լինի ցեղասպանության մասին: Ֆրեզնո քաղաքում դպրոցականները Հայաստանի մասին սովորում են շատ փոքր տարիքից: Տարրական դասարաններում դասավանդվում է հայկական երաժշտություն, իսկ ավագ դպրոցումˋ Հայոց ցեղասպանության պատմություն:
2014 թվականի օգոստոսին ԱՄՆ Կալիֆորնիա նահանգի սենատը միաձայն ընդունեց Հայոց ցեղասպանության պատմության դասավանդման մասին` «Armenian Genocide Education Act (AB 1915)» բանաձևը: Նախագծի հեղինակն է սենատի անդամ Ադրին Նազարյանը:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան