Բրեդ Շերմանը կոչ է արել պետքարտուղար Ջոն Քերիին ապրիլի 24-ին օգտագործել «ցեղասպանություն» բառը
ԵՐԵՎԱՆ, 26 ՓԵՏՐՎԱՐԻ, ԱՐՄԵՆՊՐԵՍ: ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի անդամ Բրեդ Շերմանը կոչ է արել ԱՄՆ պետքարտուղար Ջոն Քերիին «քաջություն» դրսևորել և Հայոց ցեղասպանության հարյուրերորդ տարելիցի տարում ճշմարտությունն ասել Հայոց ցեղասպանության մասին: «Արմենպրես»-ի փոխանցմամբˋ կոնգրեսականն այս հայտարարություն արել է փետրվարի 25-ին` Արտաքին հարաբերությունների հանձնաժողովի լսումների ընթացքում պետքարտուղար Քերիի ելույթի ժամանակ: «Սենատոր եղած տարիներին Դուք եղել եք Հայոց ցեղասպանության ճանաչման ջատագովներից: Այժմ մենք պատրաստվում ենք ոգերկոչել Հայոց ցեղասպանության հարյուրերորդ տարելիցը, և ես հույս ունեմ, որ Դուք կդրսևորեք քաջությունը, որով Դուք անձամբ հայտնի եք, և ապրիլի 24-ին կօգտագործեք «ցեղասպանություն» բառը հարյուր տարի առաջ Անատոլիայում տեղի ունեցածը նկարագրելու համար»,- ասել է Շերմանը:
Ջոն Քերին առաջիկա շաբաթներին գրավոր կպատասխանի այս և կոնգրեսականների կողմից բարձրացված այլ հարցերին:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան