Թուրքիային չի հաջողվի իր այս նոր ոճի մեջ միջազգային հանրությանը հրամցնել իր տեսակետները. Արմեն Աշոտյան
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: Թուրքիային չի հաջողվի իր այս նոր ոճի քաղաքականության պարագայում միջազգային հանրությանը հրամցնել իր տեսակետները: «Արմենպրես»-ի փոխանցմամբ, ապրիլի 24-ին Ծիծեռնակաբերդի հուշահամալիրում լրագրողների հետ զրույցում այս համոզմունքը հայտնեց ՀՀ կրթության և գիտության նախարարի պաշտոնակատար Արմեն Աշոտյանը: «Հայաստանի քայլերը միջազգային ճանաչման ուղղությամբ ուրվագծված են Հայաստանի նախագահի ուղերձում: Հայաստանի ուժը իր միասնական ջանքերի մեջ է»,- ընդգծեց Հայաստանի հանրապետական կուսակցության անդամը:
Նրա խոսքով, Հայոց ցեղասպանության միջազգային ճանաչման գործընթացում անհրաժեշտ է համակարգված աշխատանք` հատկապես հաշվի առնելով այն, որ մեր հարևան երկրի քաղաքական մտադրությունները բավականին մշուշոտ են: «Սա ցացահայտելու և աշխարհին հրամցնելու խնդիր կա: Այս առումով մեր անելիքները շատ են, և գալիք տարին պետք է մեր ողջ ջանքերն ուղղենք միասնական գործողությունների իրականացմանը»,- ավելացրեց Աշոտյանը:
Ապրիլի 24-ին Ծիծեռնակաբերդի հուշահամալիրում տասնյակ պաշտոնյաներ լրագրողների հետ զրույցում կիսվում են Հայոց ցեղասպանության միջազգային ճանաչման գործընթացի շուրջ իրենց դիտարկումներով: Չի դադարում մարդկանց հոսքը Ծիծեռնակաբերդի բարձրունք:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան