ՎԱՇԻՆԳՏՈՆ, 17 ԱՊՐԻԼԻ, ԱՐՄԵՆՊՐԵՍ: ԱՄՆ Ներկայացուցիչների պալատի արտաքին հարաբերությունների հանձնաժողովի նախագահ Էդ Ռոյսի գլխավորած պատվիրակության կազմում Հայաստան կայցելի նաև ամերիկացի հայամետ կոնգրեսական Դեյվիդ Սիսիլայնը: Ինչպես հաղորդում է «Արմենպրես»-ը` վկայակոչելով Providence Journal պարբերականը, Սիսիլայնը պատվիրակության մյուս անդամների հետ ապրիլի 24-ին կմասնակցի Մեծ եղեռնի հիշատակի օրվա ամենամյա միջոցառմանը` հարգանքի տուրք մատուցելու Հայոց ցեղասպանության 1.5 զոհերի հիշատակին:

Պարբերականը նշում է, որ Ռոյսի գլխավորած պատվիրակությունը ԱՄՆ-ից կմեկնի ապրիլի 17-ին և կվերադառնա հաջորդ շաբաթ:

Նշենք, որ, Հայաստանից բացի, նախատեսվում են այցեր Ուկրաինա և Ադրբեջան: