Կոնգրեսական Բերմանն ԱՄՆ պետքարտուղարին առաջարկում է կասեցնել Ադրբեջանի մասնակցությունը ՆԱՏՕ-ի ԳՀԽ ծրագրին
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: ԱՄՆ Կալիֆորնիա նահանգը ներկայացնող դեմոկրատ կոնգրեսական Հովարդ Բերմանը նամակով դիմել է ԱՄՆ պետքարտուղար Հիլարի Քլինթոնին` կոչ անելով դադարեցնել Ադրբեջանի մասնակցույթունը ՆԱՏՕ-ի «Գործընկերություն հանուն խաղաղության» ծրագրին: Ինչպես հաղորդում է «Արմենպրես»-ը, կոնգրեսականը նամակում շեշտել է` ելնելով այն փաստից, որ ադրբեջանցի ոճրագործ Ռամիլ Սաֆարովը ՆԱՏՕ-ի կազմակերպած դասընթացների ժամանակ առանձնակի դաժանությամբ կացնահարել է քնած վիճակում գտնվող հայ սպային, ապա ՆԱՏՕ-ի անդամ բոլոր պետությունները և դաշինքն առհասարակ պետք է իրենց հստակ բողոքն ու դատապարտումն արտահայտեն այս դեպքի առնչությամբ: «Այս պարագայում կարելի է առնվազն վերադարձնել հանցագործին Հունգարիա, որտեղ նա կկրի իր ցմահ պատիժը: Բացի այդ, ես Ձեզ կոչ եմ անում անմիջապես դադարեցնել ողջ ռազմական աջակցությունն Ադրբեջանին»,- ընդգծել է Բերմանը:
Կոնգրեսականն ընդգծել է, որ ոճրագործին ներում շնորհելու մասին Ալիևի որոշումը վտանգում է կովկասյան տարածաշրջանում վստահության հաստատման փորձերը և վկայում է այն մասին, որ Լեռնային Ղարաբաղի հակամարտության կարգավորումը հնարավոր է միայն այն պայմաններում, երբ Ղարաբաղը կունենա համապատասխան պաշպանական երաշխիքներ ադրբեջանական հնարավոր ագրեսիայի պարագայում:
Բուդապեշտում ՆԱՏՕ-ի դասընթացներին մասնակցկող հայ սպա Գուրգեն Մարգարյանին 2004-ի փետրվարի 19-ին քնած ժամանակ դաժանաբար կացնահարած ադրբեջանցուն` Ռամիլ Սաֆարովին, Հունգարիան արտահանձնել է Ադրբեջանին: Չնայած ոճրագործը հունգարական դատարանի կողմից դատապարտվել էր ցմահ ազատազրկման` 30 տարի առանց ներման իրավունքի, մարդասպանը հայրենիքում ոչ միայն ազատ է արձակվել, այլեւ մայորի կոչում ստացել: Հայաստանը որոշում է կայացրել Հունգարիայի հետ դիվանագիտական հարաբերությունները կասեցնելու մասին:
Հունգարա-ադրբեջանական հանցավոր գործարքը դատապարտող հայտարարություններով են հանդես եկել տարբեր միջազգային եւ տեղական կազմակերպություններ, քաղաքական ուժեր եւ գործիչներ: Հունգարիան արդեն հայտնել է Հայաստանի հետ դիվանագիտական հարաբերությունները վերականգնելու պատրաստակամության մասին:
- Օրբանին Հունգարիայում շարունակում են մեղադրել Սաֆարովին
արտահանձնելու որոշման համար
Իշխանությունները լուրջ քննադատությունների թիրախ են դառնում ընդդիմադիրների կողմից: - Ավստրալիան անհանգստացած է Սաֆարովի արտահանձման փաստի
առնչությամբ
Ադրբեջանի գործողություններն ունեն Լեռնային Ղարաբաղի հակամարտության կարգավորման ԵԱՀԿ ՄԽ-ի կողմից շարունակվող միջնորդության ջանքերը քայքայելու ներուժ. ԱԳՆ: - Շվեդիայի խորհրդարանականները պահանջել են Հունգարիայի պաշտոնական
պարզաբանումը «սաֆարովյան» գործով հետագա քայլերի շուրջ
«Միեւնույն ժամանակ մենք հույս ենք տածում, որ ձեր կառավարությունը կձեռնարկի վճռական միջոցներ` Բաքվին հանդիմանելու միջազգային օրենքները խախտելու, Լեռնային Ղարաբաղի բանակցային գործընթացը վտանգելու համար»,-նշվում է նամակում: - Սպանությունը դատապարտում են, այլ ոչ թե փառաբանում ու պարգեւատրում.
կանադացի օրենսդիր
«Ցանկանում եմ արտահայտել իմ բացարձակ արհամարհանքը եւ լիակատար անվստահությունը` ադրբեջանցի սպա Ռամիլ Սաֆարովի միջադեպի հետ կապված վերջին զարգացումների առնչությամբ»,-ասել է Կանադայի շրջանային խորհրդարանի պատգամավորը: - Սաֆարովի արտահանձման հարցը ներառվել է Հունգարիայի Ազգային
անվտանգության մարմնի օրակարգում
Նախապես հաղորդվում էր, որ Անվտանգության կոմիտեի օրակարգից այս հարցը հանվել է: