Ֆրանսիայի հրեաները աջակցում են հայկական օրինագծին
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Թուրքական ազգայնականությանը դիմակայելու համար հրեաները պետք է աջակցեն հայերին: Ինչպես հաղորդում է «Արմենպրես»-ը՝ վկայակոչելով Nouvelles d’Armenie-ն, նման հայտարարությամբ հանդես է եկել Ֆրանսիայի աշխարհիկ հրեաների կենտրոնի նախագահ Նիկոլաս Ցոմերշտայնը:
«Առանձնահատուկ ուշադրություն պետք է դարձնենք ժխտողականության զոհ հայերին: Առավել քան բոլոր հրեաները հասկանում են, թե դա ինչ է նշանակում, ուստիև պետք է պայքարել ժխտողականության դեմ»,- հայտարարել է Ցոմերշտայնը:
Հրեա գործչի պնդմամբ՝ այն միջոցները, որոնք կիրառվում են Շոայի ժխտողականության հանդեպ, կիրառելի են նաև Հայոց ցեղասպանության պարագայում:
«Հանուն եղբայրության և այն տառապանքների, որ կրել են հայերը ցեղասպանության տարիներին, Հայոց ցեղասպանությունը չի կարող մոռացվել կամ ժխտվել»,- ընդգծել է Ցոմերշտայնը:
Ժխտողականությունը պատժելու հարցում հրեական համայնքը շարունակելու է աջակցել Ֆրանսիայի հայերին:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան