Շարմազանովի համոզմամբ` Սենատի որոշումն օրինակ կծառայի եվրոպական մյուս երկրների համար
ԵՐԵՎԱՆ, 24 ՀՈՒՆՎԱՐԻ, ԱՐՄԵՆՊՐԵՍ: Ֆրանսիայի Սենատի կողմից Հայոց ցեղասպանության ժխտումը քրեականացնող օրինագծի ընդունումը օրինակ կծառայի եվրոպական մյուս երկրների համար: Ինչպես հաղորդում է «Արմենպրես»-ը, այս մասին հունվարի 24-ին հրավիրված մամուլի ասուլիսում նշեց ՀՀ Ազգային ժողովի փոխնախագահ Էդուարդ Շարմազանովը: «Բոլորը պետք է գիտակցեն, որ Ցեղասպանության ժխտումը նույնքան հանցագործություն է, որքան այն իրականացնելը»,- ասաց Շարմազանովը: Նա Սենատի որոշումը կարևոր է համարում ոչ միայն հայ-ֆրանսիական հարաբերությունների ավելի սերտացման, այլև Հայոց ցեղասպանության միջազգային ճանաչման գործընթացի համար:
«Սենատի որոշումը նաև ցույց տվեց, որ Հայաստանի իշխանություններն այս տարիների ընթացքում հայամետ քաղաքականություն են իրականացրել: Այս որոշումն ի չիք դարձրեց նաև այն քննադատությունները, որոնք հնչել էին հայ-թուրքական հարաբերությունների հաստատման գործընթացի սկզբում, ըստ որոնց' այդ գործընթացը խոչընդոտելու էր Հայոց ցեղասպանության միջազգային ճանաչման գործընթացին»,- ընդգծեց ԱԺ փոխնախագահը` հավելելով, որ վերջին շրջանում միջազգային ասպարեզում ավելի շատ է բարձրաձայնվել Մեծ Եղեռնի մասին, քան նախորդ տարիներին:
- Մասաչուսեթսի Ներկայացուցիչների պալատը հարգանքի տուրք է մատուցել Հայոց
ցեղասպանությունը վերապրած 109-ամյա հայ կնոջը
- Ֆրանսիայի Ազգային ժողովից պատվիրակություն կժամանի Հայաստան
- Կարևոր է միջազգային առաքելությունը, որը վստահություն կներշնչի ԼՂ
բնակիչներին. ՄԱԿ ԱԽ-ում ԱՄՆ ներկայացուցիչ
- Ստեփանակերտի հարակից տարածքներից ադրբեջանական զինուժը կրակում է
հրաձգային տարբեր զինատեսակներից
- Վերջին 15 րոպեի ընթացքում Ստեփանակերտում տասնյակ պայթյուններ են լսվել.
Բեգլարյան