«Էրեբունի պլազա»-ում զինված անձի կողմից պատանդ վերցված քաղաքացիներ չկան
ԵՐԵՎԱՆ, 23 ՀՈՒՆՎԱՐԻ, ԱՐՄԵՆՊՐԵՍ: «Էրեբունի պլազա» բիզնես կենտրոնում զինված անձի կողմից պատանդ վերցված քաղաքացիներ չկան: Այս մասին հայտնում է ՀՀ ոստիկանության հասարակայնության հետ կապի և լրատվության վարչության պետ Աշոտ Ահարոնյանը:
Զինված անձի հետ անձամբ բանակցություն է վարում ՀՀ ոստիկանության պետի ժամանակավոր պաշտոնակատար Արման Սարգսյանը: «Իրավիճակը կայուն և վերահսկելի է: Կրակոցներից տուժածներ չկան: Պատանդ վերցված քաղաքացիներ չկան»,-«Արմենպրես»-ի հաղորդմամբ՝ ասաց Աշոտ Ահարոնյանը:
Պլազայի տարածք են մուտք գործել հատուկ ջոկատայինները, ինչպես նաև շտապօգնության ավտոմեքենան: Դեպքի վայրում է նաև Ազգային անվտանգության ծառայության տնօրենի պաշտոնակատար Էդուարդ Մարտիրոսյանը:
Ոստիկանությունը հունվարի 23-ին ժամը 14:45-ին ահազանգ է ստացել «Էրեբունի պլազա» բիզնես կենտրոնի շենքի ներսում կրակոցների մասին:
- Լրատվամիջոցներին հայտնի է դարձել «Էրեբունի պլազա»-ում կրակոցներ արձակած
անձի ինքնությունը
- «Էրեբունի պլազա»-ում կրակոցներ արձակած անձը տեղափոխվել է ոստիկանություն
- «Էրեբունի պլազա»-ում կրակոցներ արձակած անձը զենքը հանձնել է ոստիկանությանը
- «Էրեբունի պլազա»-ում զինված անձի հետ ընթանում են բանակցություններ.
Ոստիկանություն
- Նախնական տվյալներով «Էրեբունի պլազա»-ում կրակոցներից տուժածներ չկան