366.89
Վանաձորում սպանության մեջ կասկածվող 24-ամյա երիտասարդը ձերբակալվել է
1 րոպեի ընթերցում
ԵՐԵՎԱՆ, 20 ՆՈՅԵՄԲԵՐԻ, ԱՐՄԵՆՊՐԵՍ: Ոստիկանության Տարոնի բաժնում հիվանդանոցից հաղորդում է ստացվել, որ իրենց մոտ է տեղափոխվել 1984 թվականին ծնված Վոլոդյա Քոչինյանի դիակը` որովայնի կտրած-ծակած վնասվածքով:
Ինչպես «Արմենպրես»-ին տեղեկացրին ՀՀ ոստիկանության հասարակայնության հետ կապի և լրատվության վարչությունից, դեպքի առթիվ հարուցվել է քրեական գործ` ՀՀ քրեական օրենսգրքի 104 հոդվածի 1-ին մասով:
Ձեռնարկված օպերատիվ-հետախուզական և քննչական միջոցառումների շնորհիվ պարզվել է, որ Վանաձորի Վարդանանց փողոցում գտնվող գործարանի մոտ Վ. Քոչինյանի հետ վիճաբանել, ապա նրան դանակահարել և սպանել է 1993 թվականին ծնված Սերիկ Կ.-ն:
Բացատրական աշխատանքների շնորհիվ Սերիկ Կ.-ն ինքնակամ ներկայացել է ոստիկանության Տարոնի բաժին:Նա ձերբակալվել է:
Կատարվում է նախաքննություն:
Բաժանորդագրվեք մեր ալիքին Telegram-ում