Ռուսաստանը մտադիր Է մշտական ռազմածովային բազա տեղակայել սիրիական Տարտուսում
13:51, 10 Հոկտեմբեր 2016
ԵՐԵՎԱՆ, 10 ՀՈԿՏԵՄԲԵՐԻ, ԱՐՄԵՆՊՐԵՍ: Ռուսաստանը պլանավորում Է Սիրիայի Տարտուս քաղաքում ռազմածովային ռազմակայան տեղակայել մշտական հիման վրա: Այդ մասին, ինչպես տեղեկացնում Է «Արմենպրես»-ը, հայտնել Է ՌԴ պաշտպանության փոխնախարար Նիկոլայ Պանկովը:
«Սիրիայում մենք մշտական հիման վրա ռազմածովային ռազմակայան կունենանք Տարտուսում: Համապատասխան փաստաթղթերը պատրաստված են, դրանք կանցնեն միջգերատեսչական համաձայնության ընթացակարգեր: Պատրաստվածության աստիճանը բավականին բարձր Է, եւ մենք հույս ունենք, որ շուտով ձեզ խնդրելու ենք վավերացնել այդ փաստաթղթերը»,-ասել Է նա՝ ելույթ ունենալով Դաշնության խորհրդի միջազգային հարցերի կոմիտեի նիստում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում