ԵՐԵՎԱՆ, 25 ՄԱՅԻՍԻ, ԱՐՄԵՆՊՐԵՍ: ՌԴ նախագահ Վլադիմիր Պուտինը հրամանագիր Է ստորագրել ուկրաինացի նախկին զինծառայող Նադեժդա Սավչենկոյին ներում շնորհելու մասին: Ինչպես տեղեկացնում Է «Արմենպրես»-ը, այդ մասին մայիսի 25-ին լրագրողներին հայտնել Է պետության ղեկավարի մամուլի քարտուղար Դմիտրի Պեսկովը: Դրան նախորդել Է պետության ղեկավարի հանդիպումը զոհված ռուս լրագրողների հարազատների հետ, որոնց զոհվելու մեջ մեղադրվում Էր Սավչենկոն:

«Նախագահ Պուտինը հրամանագիր Է ստորագրելՍավչենկոյին ներում շնորհելու մասին: Ուկրաինական ինքնաթիռով, որը ժամանել Էր Ռոստով, նա ուղարկել Է Կիեւ»,-նշել Է Պեսկովը:

Նա նաեւ հայտնել Է, որ մայիսի 25-ին ռուսական ինքնաթիռով Մոսկվայի Վնուկովո օդանավակայան են հասցվել Ռուսաստանի երկու քաղաքացիներ՝ Ալեքսանդր Ալեքսանդրովը եւ Եվգենի Երոֆեեւը, որոնք դատապարտվել Էին Կիեւում:

Ուկրաինայի նախագահ Պյոտր Պորոշենկոն Նադեժդա Սավչենկոյին շնորհավորել Է հայրենիք վերադառնալու կապակցությամբ:

«Մեր Նադյան արդեն ուկրաինական հողում Է: Ուրախ եմ՝ շնորհավորել նրան վերադառնալու կապակցությամբ: Շնորհավորում եմ ուկրաինացիներին եւ ամբողջ աշխարհին մեր հաղթանակի առթիվ»,-գրել Է Պորոշենկոն Facebook-ում: