Ավելի քան 200 հայ դիմորդ կկարողանա անվճար ուսանել ՌԴ առաջատար բուհերում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Ավելի քան 200 հայ դիմորդ կկարողանա անվճար ուսում ստանալ Ռուսաստանի բուհերում: Ինչպես հաղորդում է «Արմենպրես»-ը` այդ մասին հայտարարել է Երևանում գործող Գիտության և մշակույթի ռուսական կենտրոնի տնօրեն Մարկ Կալինինը:
Նրա խոսքով` մարտի վերջին տեղի կունենա ՌԴ բուհեր ընդունությունը կազմակերպող աշխատանքային խմբի նիստը, որի կազմում ընդգրկված են Հայաստանում ՌԴ դեսպանության, երկու երկրների մշակույթի նախարարությունների, Հայաստանի գիտության և կրթության նախարարության, ինչպես նաև ՌԴ առաջատար բուհերի ներկայացուցիչները: «Աշխատանքային խումբը մրցութային կարգով պետք է հայ դիմորդների շրջանում ընտրի 223 մարդու, ովքեր դիմել են ռուսական բուհեր ընդունվելու համար»,- ասել է Կալինինը:
Ներկա դրությամբ նման հայտ է ներկայացրել 389 դիմորդ: Կալինինի խոսքով` հայ դիմորդները մեծապես հետաքրքրված են Ռուսաստանում անվճար կրթություն ստանալու հարցում: Կազմակերպիչները վստահ են, որ մինչ փաստաթղթերի ընդունման վերջնաժամկետը` մարտի 18-ը, նրանք կստանան 500 հայտ:
Յուրաքանչյուր տարի Հայաստանից 150 դիմորդներ ընդունվում են ՌԴ առաջատար բուհեր: Կալինինը վստահ է, որ այս տարին ևս բացառություն չի լինի:
Բաժանորդագրվեք մեր ալիքին Telegram-ում