ԵՐԵՎԱՆ, 12 ՓԵՏՐՎԱՐԻ, ԱՐՄԵՆՊՐԵՍ: Հայաստանի ռուսական ռազմակայանում՝ «Էրեբունի» ռազմական օդանավակայանում, կազմակերպվել Է «Կա այսպիսի մասնագիտություն՝ պաշտպանել Հայրենիքը» ռազմահայրենասիրական ակցիան: Ինչպես «Արմենպրես»-ին տեղեկացրել են ՌԴ Հարավային ռազմական օկրուգի մամուլի ծառայությունից, միջոցառմանը մասնակցել են ՌԴ պաշտպանության նախարարության դպրոցի աշակետները, վետերաններ, զինծառայողներ, նրանց ընտանիքների անդամները եւ դիվանագիտական կորպուսի ներկայացուցիչները: 

Հյուրերի առջեւ ցուցադրական ավիացիոն ներկայացմամբ հանդես են եկել օդաչուները՝ չորրորդ սերնդի ՄիԳ-29 կործանիչներով եւ բանակային ավիացիայի տեխնիկայով: Հյուրերին իրենց վարպետությունն են ցուցադրել նաեւ 2015 թվականի վերջին ժամանած բանակային ավիացիայի Էսկադրիլիայի օդաչուները՝ վարելով Մի-24 հարվածային ուղղաթիռներ եւ Մի-8 փոխադրական ուղղաթիռներ:

Ավագ դասարանների դպրոցականները եղել են ավիացիոն տեխնիկայի ցուցահանդեսում եւ ծանոթացել ռուսական ռազմակայանի թռիչքային անձնակազմի ժամանակակից հանդերձանքին: Տոնական միջոցառման ավարտին բոլոր հյուրերին հյուրասիրել են զինվորական շիլայով:

Լուսանկարները` Ֆելիքս Առուստամյանի