ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Ճապոնիայի բնակիչների ավելի քան 70 տոկոսը հանդես Է գալիս երկրում ատոմային Էլեկտրակայանների թվաքանակի կրճատման կամ ատոմային Էներգետիկայից ամբողջովին հրաժարվելու օգտին: Ինչպես տեղեկացնում Է «Արմենպրես»-ը, այս տվյալները ներկայացված են NHK հեռուստաալիքի կողմից հրապարակված սոցհարցման նյութերում, որը նվիրված Էր 2011 թվականի մարտի 11-ին տեղի ունեցած երկրաշարժի եւ ցունամիի հինգերորդ տարելիցին:

Ոսումնասիրության մասնակիցներին հարց Է տրվել այն մասին, թե ինչպիսին են նրանք Ճապոնիայում տեսնում միջուկային Էներգիայի ապագան: Նրանց 49 տոկոսն արտահայտվել Է ԱԷԿ-ների թվաքանակի կրճատման օգտին, եւս 22 տոկոսը՝ դրանց օգտագործումից ամբողջովին հրաժարվելու օգտին: Դրա հետ մեկտեղ, ճապոնացիների 26 տոկոսի կարծիքով, հարկ Է, որ երկրի կառավարությունը ատոմակայանների թիվը թողնի նախկին մակարդակին, եւ միայն բնակիչների 3 տոկոսն Է անհրաժեշտ համարում նոր կայանների կառուցումը:

Բացի այդ, ճանապացիների 90 տոկոսից ավելին մտահոգված Է այն բանի պատճառով, որ «Ֆուկուսիմա-1»-ում մինչ այժմ ակտիվ աշխատանքներ են ընթանում վթարի հետեւանքները վերացնելու ուղղությամբ: Սոցհարցմանը մասնակցել Է 16-ից բարձր տարիքի 3,6 հազար մարդ:

Ներկայում Ճապոնիայում աշխատում են երեք ատոմային ռեակտորներ՝ «Սենդայ» ԱԷԿ-ի (Կագոսիմայի պրեֆեկտուրա) երկու Էներգաբլոկները եւ «Տակահամա» ԱԷԿ-ի (Ֆուկուիի պրեֆեկտուրա)՝ մեկ Էներգաբլոկը, հաղորդել Է ՏԱՍՍ-ը:

Լուսանկարը` EPA/TASS