ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Ոստիկանությունը ժամանակավորապես կալանքի տակ Է վերցրել 317 մարդու, որոնք նոյեմբերի 29-ին մասնակցել են Փարիզի Հանրապետության հրապարակում տեղի ունեցած անկարգություններին: Այդ մասին, ինչպես տեղեկացնում Է «Արմենպրես»-ը, հայտնել Է Ֆրանսիայի մայրաքաղաքի ոստիկանության պրեֆեկտուրան:

«Ցույցի ընթացքում կարգն ապահովելիս ձերբակալվել եւ ժամանակավորապես կալանքի տակ Է վերցվել 317 մարդ»,-ասված Է պրեֆեկտուրայի հայտարարության մեջ:

Շրջակա միջավայրի պաշտպանության կողմնակիցների ցույցի եզրափակիչ փուլում ծայրահեղականները, որոնք հավանաբար առնչություն չեն ունեցել բնապահպանների հետ, սկսել են քարեր, շշեր եւ այլ առարկաներ նետել ոստիկանների վրա՝ օգտագործելով նույնիսկ այն մոմերի տարաները, որոնք գտնվում Էին նոյեմբերի 13-ին փարիզյան ահաբեկչությունից զոհվածների հիշատակին դրված ծաղիկների մեջ: «Այդ գործողությունները խիստ դատապարտման են արժանի՝ ելնելով ահաբեկչական գործողությունների զոհերի նկատմամբ հարգանքից»,-ընդգծել Է Ֆրանսիայի ՆԳ նախարար Բեռնար Կազնյովը, հաղորդել Է ՏԱՍՍ-ը:

Լուսանկարը` EPA