Բրյուսելի մետրոն մասնակիորեն վերսկսել Է աշխատանքը
ԵՐԵՎԱՆ, 25 ՆՈՅԵՄԲԵՐԻ, ԱՐՄԵՆՊՐԵՍ: Բրյուսելի մետրոն, որը փակ Էր մնում Բելգիայի մայրաքաղաքում առավելագույն մակարդակի ահաբեկչական սպառնալիքի պատճառով, նոյեմբերի 25-ին մասնակիորեն վերսկսել Է աշխատանքը: Ինչպես ՌԻԱ Նովոստիին հայտնել Է մետրոպոլիտենի ներկայացուցիչը, երթեւեկությունն իրականացվում Է գետնուղու 69 կայարաններից 35-ում, որոնցում անվտանգությունը հսկում են երկու հարյուր ոստիկաններ: Միաժամանակ ոստիկանների ու զինվորականների մասնակցությամբ հսկողություն Է իրականացվում արտաքին պարագծով, տեղեկացնում Է «Արմենպրես»-ը:
Դրա հետ մեկտեղ, պոտենցիալ ահաբեկչական սպառնալիքի պատճառով Բրյուսելի մետրոպոլիտենը ժամանակավորապես կգործի առավոտյան ժամը 6-ից մինչեւ երեկոյան 10-ը:
Նոյեմբերի 25-ին Բրյուսելում աշխատանքն են վերսկսում նաեւ մանկապարտեզները, դպրոցները եւ բարձրագույն ուսումնական հասատությունները:
Բաժանորդագրվեք մեր ալիքին Telegram-ում