ՆԱՏՕ-ն շտապ խորհրդակցություն Է գումարում Սու-24-ի կործանման կապակցությամբ
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: ՆԱՏՕ-ն նոյեմբերի 24-ին Հյուսիսատլանտյան խորհրդի՝ դեսպանների մակարդակով արտահերթ նիստ Է հրավիրում Սիրիայում ռուսական ինքնաթիռի միջադեպի առնչությամբ: Այդ մասին, ինչպես տեղեկացնում Է «Արմենպրես»-ը, ՌԻԱ Նովոստիին հայտնել Է դաշինքի ներկայացուցիչը:
Հյուսիսատլանտյան խորհուրդը դաշինքի բարձրագույն քաղաքական մարմինն Է:
«Հյուսիսատլանտյան խորհրդի նիստը կկայանա ժամը 17.00-ին (Երեւանի ժամանակով ժամը 20.00-ին) Թուրքիայի պահանջով»,- ասել Է դաշինքի ներկայացուցիչը՝ նշելով, որ «մամուլի համար ոչ մի կարգի միջոցառումներ այս պահին նախատեսված չեն»:
Ռուսական Սու-24-ն աղետի Է ենթարկվել Սիրիայում: Թուրքական կողմը պնդում Է, որ ռազմական ինքնաթիռը խախտել Է իր օդային տարածությունը եւ խփվել Է: ՌԴ-ի պաշտպանության նախարարությունը հայտարարել Է, որ Սու-24-ը գտնվել Է բացառապես Սիրիայի օդային տարածությունում, ինչը գրանցված Է վերահսկման օբյեկտիվ միջոցներով:
Լուսանկարը` AP
Բաժանորդագրվեք մեր ալիքին Telegram-ում