ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Առնվազն 13 մարդ Է զոհվել Պակիստանի հարավի Կարաչի քաղաքում լույս հոկտեմբերի 13-ի գիշերը տեղի ունեցած սողանքի հետեւանքով, տեղեկացնում Է «Արմենպրես»-ը՝ հղում անելով «Սինհուա» գործակալությանը:

Տեղական ԶԼՄ-ների տվյալներով՝ միջադեպը տեղի Է ունեցել տեղական ժամանակով ժամը 02:00-ին: Սողանքը երեք վրան Է ծածկել քաղաքի հյուսիսային մասի հետնախորշերում:

Առայժմ փրկարար ծառայությունները եւ տեղի բնակիչները հայտնաբերել են 13 զոհվածների, որոնցից յոթ երեխաներ են եւ երեքը՝ կանայք: Փրկարարները շարունակում են որոնումները:

Տեղի իշխանությունների ներկայացուցիչը հայտնել Է, որ բոլոր զոհվածները մի ընտանիքի անդամներ են, որը պատահարի վայրում հաստատվել Էր երեք օր առաջ, հաղորդել Է ՌԻԱ Նովոստին: