Իրանի խորհրդարանը հավանություն տվեց «վեցյակի» հետ համաձայնագրի իրագործման օրինագծին
ԵՐԵՎԱՆ, 13 ՀՈԿՏԵՄԲԵՐԻ, ԱՐՄԵՆՊՐԵՍ: Իրանի խորհրդարանը հոկտեմբերի 13-ին հավանություն Է տվել երկրի միջուկային ծրագրի խնդրով միջազգային միջնորդների «վեցյակի» հետ ստորագրված համաձայնագրի իրագործման օրինագծին, տեղեկացնում Է «Արմենպրես»-ը՝ հղում անելով IRNA իրանական գործակալությանը:
Խորհրդարանի նիստում համաձայնագրի կատարումը պաշտպանել Է 161 պատգամավոր, 59-ը դեմ են արտահայտվել, 13-ը ձեռնպահ են մնացել: Ընդամենը քվեարկությանը մասնակցել Է 250 օրենսդիր:
Ավելի վաղ՝ հոկտեմբերի 11-ի նիստում, Իրանի խորհրդարանն առաջին ընթերցմամբ վավերացրել Էր համաձայնագրի իրագործմանն ուղղված գործողությունների համատեղ համապարփակ ծրագրի ընդհանուր շրջանակները:
Իրանը եւ միջազգային բանակցորդների «վեցյակը» լույս հուլիսի 14-ի գիշերը պատմական համաձայնության են հասել իրանական միջուկային խնդրի կարգավորման շուրջ: Դժվարին բանակցություններն ավարտվել են գործողությունների համատեղ համապարփակ պլանի ընդունմամբ, որի կատարումը ամբողջովին կվերացնի ավելի վաղ ՄԱԿ-ի Անվտանգության խորհրդի, ԱՄՆ-ի եւ Եվրամիությնա կողմից Իրանի նկատմամբ սահմանված տնտեսական ու ֆինասնական պատժամիջոցները, հաղորդել Է ՌԻԱ Նովոստի գործակալությունը:
Բաժանորդագրվեք մեր ալիքին Telegram-ում