«Նորմանդական քառյակ»-ը չի պատրաստվում բանակցել ամբողջ գիշերը. Ֆրանսուա Օլանդ
20:43, 2 Հոկտեմբեր 2015
ԵՐԵՎԱՆ, 2 ՀՈԿՏԵՄԲԵՐԻ, ԱՐՄԵՆՊՐԵՍ: Փարիզում ընթացող «Նորմանդական քառյակ»-ի բանակցությունները կավարտվեն երեկոյան` նախապես մշակված ծրագրի համաձայն: Ինչպես հաղորդում է «Արմենպրես»-ը` հղում կատարելով ՏԱՍՍ-ին, լրագրողների հետ հանդիպմանն այս մասին հայտնել է Ֆրանսիայի Նախագահ Ֆրանսուա Օլանդը:
«Ես երաշխավորում եմ, որ մենք չենք պատրաստվում ամբողջ գիշերը անցկացնել այստեղ»,- կատակով նշել է Օլանդը` Ռուսաստանի, Ֆրանսիայի, Գերմանիայի և Ուկրաինայի առաջնորդների ընդլայնված ձևաչափով մեկնարկող բանակցություններից առաջ:
Ֆրանսուա Օլանդը հայտարարություն կանի բանակցությունների ավարտից հետո: Այս մասին ՏԱՍՍ-ին հայտնել են ֆրանսիական պատվիրակության դիվանագիտական աղբյուրներից:
Բաժանորդագրվեք մեր ալիքին Telegram-ում