Կիմ Չեն Ընը հայտարարել Է ԱՄՆ-ի եւ Հարավային Կորեայի դեմ պատերազմի պատրաստվելու անհրաժեշտության մասին
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: ԿԺԴՀ-ի առաջնորդ Կիմ Չեն Ընը ներկա Է եղել Ժողովրդական Հանրապետության ռազմաօդային ուժերի զորավարժություններին, որոնք համարել Է «ԱՄՆ-ի եւ Հարավային Կորեայի դեմ պատերազմի նախապատրաստություն»: Ինչպես հաղորդել Կորեայի կենտրոնական հեռագրական գործակալությունը, Կիմ Չեն Ընն այդ հայտարարությունն արել Է Կալմա ռազմակայան այցելելուց հետո. որը գտնվում Է Վոնսան նավահանգստային քաղաքից ոչ հեռու՝երկրի՝ արեւելյան ափին, տեղեկացնում Է «Արմենպրես»-ը:
Վարժանքը, որը գործակալությունն անվանել Է ռազմաօդային մրցումներ», անցկացվել Է 1950 – 1953 թվականների Կորեական պատերազմի արդյունքներով զինադադարի համաձայնագրի ստորագրման 62-րդ տարեդարձի առթիվ:
Այս մրցույթը «պետք Է արմատական շրջադարձ իրականացնի զինավարժանքներում, որոնք նպատակամված են պատերազմի նախապատրաստմանը, որը լի Է ամերիկացի իմպերիալիստների եւ կորեացի մի խումբ խամաճիկների հետ հաշվեհարդար տեսնելու ցանկությամբ, խամաճիկներ, որոնք համակված լինելով ամերիկամետ խելացնորությամբ, դիմակայություն են հրահրում հայրենակիցների միջեւ», մեջբերում Է Կորեայի կենտրոնական հեռագրական գործակալությունը ԿԺԴՀ-ի առաջնորդի խոսքը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում