Ամերիկացի գործարարն առաջարկում է ստեղծել նոր հանրապետություն փախստականների համար
ՍԱՆ ՖՐԱՆՑԻՍԿՈ, 27 ՀՈՒԼԻՍԻ, ԱՐՄԵՆՊՐԵՍ: Հրեական ծագմամբ ամերիկացի գործարար, միլիոնատեր Ջեյսոն Բուզին, ով Սան Ֆրանցիսկոյում զբաղեցնում է կարեւորագույն դիրք անշարժ գույքի շուկայում, առաջարկում է ստեղծել պետություն, որտեղ կապրեն միայն փախստականները: Ինչպես հաղորդում է «Արմենպրես»-ը՝ վկայակոչելով The Huffington Posт-ը, գործարարը վստահ է, որ կյանքի կոչվելու դեպքում իր նախագիծը կդառնա արմատական որոշում ամբողջ աշխարհում լուրջ խնդիր հանդիսացող միգրացիան կանխելու համար: Նա ծրագիրն անվանել է «Փախստականների պետություն» եւ առաջարկում է օգտագործել աշխարհի վրա չբնակեցված մի տարածք կամ որեւէ կղզու հատված:
Նա վստահ է, որ Դոմինիկյան Հանրապետությունը կամ Ինդոնեզիան պատրաստ կլինեն իրենց տարածքից մի հատված վաճառել նոր պետության համար: Բուզին վստահ է նաեւ, որ նոր ձեւավորվող երկիրը կդառնա նոր տունը աշխարհում ապրող 59,5 միլիոն փախստականների համար: Համաձայն ծրագրի, նոր պետության լեզուն պետք է լինի անգլերենը:
Բաժանորդագրվեք մեր ալիքին Telegram-ում