ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Ատոմային Էներգիայի միջազգային գործակալության (ՄԱԳԱՏԷ) գլխավոր տնօրեն Յուկիա Ամանոն Իրանի ղեկավարության հետ քննարկել Է միջուկային ծրագրի վերաբերյալ ապագա համապարփակ համաձայնագրի կատարման ստուգումների հարցը: Այդ մասին, ինչպես տեղեկացնում Է «Արմենպրես»-ը, ասված Է հուլիսի 3-ին ՄԱԳԱՏԷ-ի տարածած հայտարարության մեջ:

Հայտարարության մեջ, մասնավորապես, նշվում Է, որ Ամանոն Թեհրանից վերադառնալուց առաջ Իրանի ղեկավարության հետ իրանական միջուկային ծրագրի հնարավոր ռազմական բաղադրիչների հարցերը քննարկել Է համապարփակ համաձայնագրի մշակման շուրջ միջազգային միջնորդների «վեցյակի» եւ Իրանի բանակցությունների համատեքստում, որն ավարտական փուլ Է թեւակոխել Վիեննայում:

«Ես կարծում եմ, որ երկու կողմերն ավելի լավ են ըմբռնում  դեպի կարգավորում առաջխաղացման առանձին քայլերը, թեեւ ավելի շատ աշխատանք կպահանջվի»,-հայտարարության մեջ ներկայացված Է Ամանոյի խոսքը:

Դրանում ասվում Է, որ Ամանոն հանդիպումներ Է ունեցել Իրանի նախագահ Հասան Ռոուհանիի եւ Անվտանգության բարձրագույն ազգային խորհրդի քարտուղար Ալի Շամհանիի հետ: Դրանցից առաջ Վիեննայում Ամանոն հանդիպում Է ունեցել Իրանի ԱԳ նախարար Մոհամադ Ջավադ Զարիֆի հետ:

ՄԱԳԱՏԷ-ի հաղորդագրության մեջ նաեւ ասվում Է, որ Ամանոյի՝ Թեհրան այցի նպատակը եղել Է «իրանական միջուկային ծրագրի մնացած բոլոր հարցերի լուծմանն ուղղված աշխատանքի շարունակումը, ներառյալ հնարավոր ռազմական ասպեկտները պարզելը»:

Բանակցությունների ընթացքում նաեւ արծարծվել Է գործողությունների համատեղ համապարփակ ծրագրի մշակման՝  Վիեննայում ընթացող գործընթացը, որի վրա աշխատում են միջազգային միջնորդների «վեցյակը» եւ Իրանը, եւ որի կատարումը պետք Է ստուգի ՄԱԳԱՏԷ-ն, հաղորդել Է ՌԻԱ Նովոստին: