Գերմանացիների մեծամասնության կարծիքով՝ Հունաստանը պետք Է մնա ԵՄ-ի կազմում
ԵՐԵՎԱՆ, 3 ՀՈՒԼԻՍԻ, ԱՐՄԵՆՊՐԵՍ: Գերմանիայի քաղաքացիների ավելի քան 60 տոկոսը կարծում Է, որ Հունաստանը պետք Է ԵՄ-ի կազմում մնա նույնիսկ այն դեպքում, եթե հուլիսի 5-ին կայանալիք հանրաքվեում ընտրողները դեմ քվեարկեն բարեփոխումների փաթեթին: Այդ մասին, ինչպես տեղեկացնում Է «Արմենպրես»-ը, հուլիսի 3-ին հաղորդել Է գերմանական ntv24 հեռուստաալիքը:
Հեռուստաալիքի պատվերով անցկացված սոցիոլոգիական հարցման արդյունքում Աթենքին ԵՄ-ի կազմում պահելու օգտին արտահայտվել Է գերմանացիների 61 տոկոսը, 59 տոկոսը կարծում Է, որ հույները պետք Է մնան նաեւ եվրոգոտում: Հակառակ կարծիքն են հայտնել հարցվածների, համապատասխանաբար, 32 եւ 32 տոկոսը:
Դրա հետ մեկտեղ հարցվածների 41 տոկոսը ենթադրում Է, որ հանրաքվեում Հունաստանի քաղաքացիները կքվեարկեն բարեփոխումների փաթեթի դեմ, 44 տոկոսը գտնում Է, որ կհաղթի «Այո» տարբերակը:
Հունաստանի նկատմամբ Բեռլինի քաղաքականությունը բացասական Է գնահատում հարցման մասնակիցների 50 տոկոսը, 40 տոկոսն այն դրական Է համարում, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում